دليل عملي نوعا ما للمبتدئين كثير من المغاربة كيبغيو يستغلوا فلوسهم بدل ما تبقى راكدة ، وبالطبع بورصة الدار البيضاء كتجي في الصف الأول عند بزاف ديال الناس، خصوصا اللي كيديرو تفكير على المدى المتوسط و الطويل. فهاد الدليل غادي نشرح مثال عملي .. على قد ما يقدر واحد مبتدئ يوصل لأول 1000 درهم من الأرباح ، عبر خطوات واعية وماشي مجرد حماس.

 اخترتها حيث كاينين شركات مغربية كبار، عندهم تاريخ طويل، و غالبا كيبان عليهم نوع من الاستقرار المالي.

 كذلك ماشي ضروري يكون عندك رأس مال ضخم باش تبدأ، تقدر تبدأ بمبالغ معقولة ، بشرط يكون عندك خطة واضحة، وتتبعها بضمير.

فهم الأساسيات قبل ما تشري قبل ما تدير أي صفقة، كان لازم نفهم كيف كيتحرك السوق، وشنو الفرق بين الاستثمار طويل الأجل و بين المضاربة.

 زدت ندقق كذلك في القوائم المالية ، و حتى الأخبار اللي كتلعب دور مباشر فأسعار الأسهم.

 ماشي ضروري تكون عبقري من أول يوم، ولكن خاصك تكون مرتب ومنطقي، على الأقل فالبداية. 

 انتقاء أسهم “قوية” لكن بلا استعراض

ركزت على الشركات اللي الأرباح ديالها مستقرة نوعا ما، واللي عندها إدارة واعية وسجل ديال توزيع الأرباح. 

ما خديتش القرار من الشائعات، لا تلك اللي كتمشي في الكومنتات ولا كلام الناس فالقهوة، خديت اعتماد على التحليل و البيانات الرسمية و بطريقة واضحة.

من بعد ما شريت الأسهم، ما بعتهمش عند أول هبوط أو أول تقلب. 

التزمت بخطتي، كنراقب النتائج اللي كتطلع ديال الشركات ، و التطورات الاقتصادية بطريقة دورية.

 بصراحة ، هاد الجزء هو اللي كيصنع الفرق بين واحد كيبني و واحد كيرمي فلوسه فالهوا.